సీరియస్ మెన్


మను జోసెఫ్ రచించిన నవల ‘సీరియస్ మెన్’ కు ద హిందూ బెస్ట్ ఫిక్షన్ అవార్డ్ 2010 లభించింది. న్యాయ నిర్ణేతలు అందరికీ నచ్చి ఏకగ్రీవంగా ఈ అవార్డ్ ఇవ్వటం జరిగింది అని చదివి ఉత్సాహంగా పుస్తకం కొని చదివాను. నేను ఆశించినంత గొప్పగా లేదు కానీ బానే వుంది.

ఈ పుస్తకం గురించి మరిన్ని వివరాలు ఇక్కడ మరియు ఇక్కడ.

Advertisements

అసలేం జరిగిందంటే…


నా తొలి ఉద్యోగంలో ఒక విధంగా పి.వి.ఆర్.కే.ప్రసాద్ గారి క్రిందే పని చేయటం జరిగింది. అయినా ఆయన పేరు వినటమే కానీ వారిని కలవటం కానీ చూడటం కానీ జరగలేదు. అక్కడ చేస్తున్నప్పుడే ‘ఐఏఎస్’ అధికారులని, వారి(ప్రభుత్వ) పని తీరుని దగ్గరి నుండి గమనించే అవకాశం లభించింది. నిస్సందేహంగా అందరూ మేధావులే. నేను చూసినంతలో ఎక్కువ మంది రాజకీయ క్రీడ(పదవుల పైరవీలు, పై వారి మెప్పు కోసం ప్రాకులాడటం, చంచాగిరి) లో మునిగి తేలుతూ ఉండే వారు. కొద్ది మంది నిజంగా ప్రజలకు ఏదో చెయ్యాలని తహ తహ లాడుతూ రాత్రి పగలు కష్ట పడే వారు. ఆ కోవకి చెందిన శ్రీ పి.వి.ఆర్.కే.ప్రసాద్ గారు ఒక ‘ఐఏఎస్’ అధికారిగా తన ౩౫ సంవత్సారాల అనుభవాలను ఈ పుస్తకం ద్వారా మనతో పంచుకున్నారు. ఎందరో రాష్ట్ర ముఖ్యమంత్రులతో పని చేసిన అనుభవాలు ఒక ఎత్తు అయితే మాజీ ప్రధాని శ్రీ పి.వి. నరసింహారావు గారి తో పని చేసిన అనుభవాలు ఒక ఎత్తు. పి.వి. గారి హయాంలో జరిగిన అనేక ఆసక్తికర సంఘటనలు, వారు తీసుకున్న అనేక వివాదాస్పద నిర్ణయాలు ఎలా ఏ నేపధ్యం లో తీసుకో వలసి వచ్చిందో, వారి చివరి రోజులు ఈ పుస్తకం చదివితే అర్థమవుతుంది. తప్పక చదవవలిసిన పుస్తకం. ఈ పుస్తకాన్ని అందంగా తీర్చి దిద్దిన ఎమెస్కో వారికి అభినందనలు.

ఈ పుస్తకం గురించి మరిన్ని వివరాలు యిక్కడ మరియు యిక్కడ.